پەلە نیوز
سەرۆكوەزیران بارزانی و وەزیری بازرگانیی فیدراڵ جەخت لە پێویستیی بەهێزکردنی هەماهەنگیی نێوان هەردوو حکومەتی هەرێمی كوردستان و فیدراڵ دەکەنەوە، بەتایبەتی لە بواری بازرگانیی و گەشەپێدانی ئابووری.
وێنە گەورەكە
ئەمڕۆ پێنجشەممە 5-9-2024 سەرۆكوەزیران بارزانی، پێشوازی لە ئەسیر داود ئەلغرێری، وەزیری بازرگانیی حکومەتی عێراق کرد.
ڕاگەیێنراوی فەرمی
لە دیدارەکەدا جەخت لە گرنگیی پەرەپێدانیی هاریکاریی نێوان دامەزراوەکانی هەرێمی کوردستان و حکومەتی فیدراڵ کرا، هەردوولا هاوڕابوون لەسەر پێویستیی بەهێزکردنی هەماهەنگیی نێوان هەردوو حکومەتی هەرێمی كوردستان و فیدراڵ، بەتایبەتی لە بواری بازرگانیی و گەشەپێدانی ئابووری بە لەبەرچاوگرتن و ڕێزگرتن لە قەوارەی دەستووری هەرێمی کوردستان.
زانیاریی زیاتر
لە دیدارەکەدا ئاماژە بە پێویستیی پێشکەشکردنی ئاسانکاریی بۆ کەرتی تایبەت کرا بۆ ئەوەی ڕۆڵی کارای خۆی لە بنیاتنان و بەرەوپێشبردنی ژێرخانی ئابووریدا بگێڕێت.
ئەوەش بزانە
ئامادەکارییەکانی ئەنجامدانی کۆبوونەوەی ئەنجوومەنی ئابووری وەزاریی عێراق کە بڕیارە بەمەبەستی چارەسەرکردنی دۆسێیە و کێشە هەڵپەسێردراوەکانی هەردوولا لەم ڕۆژانە لە هەولێر بکرێت، تەوەرێکی دیکەی گفتوگۆکان بوو.
