ئیسرائیل کوژرانی عەلی لاریجانی و فەرماندەی بەسیجی ڕاگەیاند

ئیسرائیل کوژرانی عەلی لاریجانی و فەرماندەی بەسیجی ڕاگەیاند

ئەمڕۆ سێشەممە، 17ی ئاداری 2026، یسارائیل کاتس، وەزیری بەرگریی ئیسرائیل، لە ڕاگەیێندراوێکی فەرمیدا کوژرانی عەلی لاریجانی، سکرتێری ئەنجوومەنی باڵای ئاسایشی نیشتمانیی ئێران و غوڵامڕەزا سولەیمانی، فەرماندەی هێزەکانی بەسیجی ڕاگەیاند. بەپێی گوتەی کاتس، هێرشەکە شەوی ڕابردوو لە ڕێگەی لێدانێکی ئاسمانی وردەوە لە تاران ئەنجامدراوە.

نووسینگەی بنیامین نەتەنیاهوو، سەرۆکوەزیرانی ئیسرائیل، وێنەیەکی بڵاوکردەوە کە تێیدا نەتەنیاهوو فەرمانی بە سوپا کردووە بۆ بەئامانجگرتنی بەرپرسانی باڵای ئێران. سوپای ئیسرائیل جەختی کردەوە کە غوڵامڕەزا سولەیمانی، کە ماوەی 6 ساڵ بوو فەرماندەی بەسیج بوو، ئامانجێکی سەرەکی بووە بەهۆی ڕۆڵی هێزەکانی لە سەرکوتکردنی خۆپیشاندانەکانی سەرەتای ئەم ساڵ.

پەیامە ناڕوونەکەی تەلەگرامی لاریجانی

دوای بڵاوبوونەوەی هەواڵی کوژرانی، لە کەناڵی تەلەگرامی عەلی لاریجانییەوە پەیامێک بڵاوکرایەوە کە باس لە شەهیدبوونی ئەندامانی هێزی دەریایی ئێران لە کەشتیی "دەنا" دەکات. لە پەیامەکەدا هاتووە کە ئەم فیداکارییانە بنەماکانی سوپا پتەوتر دەکەن، بەڵام تاوەکو ئێستا ڕوون نییە ئەم دەقە کەی نووسراوە و ئایا پێش هێرشەکە بووە یان نا.

عەلی لاریجانی کێیە؟ پیاوی ئەرکە سەختەکان

عەلی لاریجانی یەکێک بوو لە دیارترین کارەکتەرە سیاسی و ئەمنییەکانی ئێران کە بە "هاوسەنگیپارێز" ناسرابوو. لێرەدا کورتەیەک لە وێستگە گرنگەکانی ژیانی دەخەینە ڕوو:

ئامانجەکانی داهاتووی ئیسرائیل

یسرائیل کاتس دووپاتی کردەوە کە سوپای وڵاتەکەی بەردەوام دەبێت لە بەئامانجگرتنی بەرپرسانی باڵای ئێران. هاوکات، میدیاکانی ئیسرائیل ئاماژە بەوە دەکەن کە سوپا لە لێکۆڵینەوەدایە بۆ زانینی ژمارەی وردی ئەو فەرماندە باڵایانەی بەسیج کە لە هێرشەکەی تاراندا لەناوبراون. ئەم پەرەسەندنە نوێیە ئاستی ململانێی نێوان تاران و تەلئەبیب دەباتە قۆناغێکی زۆر مەترسیدارەوە.