پەلە نیوز
سێ ئەندامی خێزانێک کە دانیشتووی ناحیەی بەردەڕەشن لە سنووری پارێزگای دهۆک، توشی نەخۆشی تای خوێنبەربوون بوون.
لێدوانی تایبەت
جبرائیل سدقی، یەکێک لە کەسوکاری نەخۆشەکانە، بە پەیامنێری ئاڤای ڕاگەیاند: هەفتەی پێشوو سێ ئەندامی خێزانێک کە پێکهاتبوون لە دایک و خوشک و برایەک، توشی نەخۆشی تای خوێنبەربوون بوون.
زانیاری زیاتر
ئەو سێ هاووڵاتییە گواستراونەتەوە نەخۆشخانە و چارەسەری پێویستیان بۆ کراوە، ئێستا تەندروستیان جێگیرە.
ئەوەی پێویستە بیزانیت
لە سەرەتای ئەمساڵەوە تائێستا شەش هاووڵاتی کە دانیشتووی ناحیەی ڕۆڤیا و قەزای بەردەڕەش بوون لەسنووری پارێزگای دهۆک توشی نەخۆشی تای خوێنبەربوون بوون.
باکگراوند
تای خوێنبەربوون نەخۆشییەکی ڤایرۆسییە و لە ئاژەڵەوە بۆ مرۆڤ دەگوازرێتەوە، بەپێی ڕێکخراوی تەندروستی جیهانی ڕێژەی مردنی ئەو کەسانەی تووشی دەبن 40%ـە.
108 بینین
