پەلە نیوز
پەرلەمانی عێراق جارێکی دیکە دوای ئەوەی شکستی هێنا لە پەسەندکردنی ئەو پرۆژەیاسایانەی کێشەیان لەسەرە دانیشتنەکەی بۆ ئەمڕۆ سێشەممە هەڵگرت و بڕیارە درێژە بە دانیشتنەکە بدات.
لێدوانی فەرمی
دارا سێکانیانی، ئەندامی پەرلەمانی عێراق بە ئاڤا نیوزی ڕاگەیاند: بڕیار بوو هەر سێ پرۆژەیاساکە بە یەک پاکێج تێپەڕێنرێت، بەڵام بەهۆی ناکۆکیی نێوان ئەندامانی پەرلەمان هیچکام لە یاساکان پەسەند نەکرا و بەوهۆیەوە دانیشتنەکە دواخرا.
زانیاریی زیاتر
بڕیارە پەرلەمانی عێراق دەنگ بدات بە پرۆژەیاسای هەمواری یاسای باری کەسی (شیعە داوای پەسەندکردنی دەکات)، دەنگدان لەسەر پرۆژەیاسای گەڕاندنەوەی خاوەندارێتی موڵک و ماڵی داگیرکراو بە فەرمانی ئەنجوومەنی ناسراو بە "قیادەی سەورە"ــی هەڵوەشاوە (کورد داوای پەسەندکردنی دەکات) و هەموارکردنەوەی یاسای لێبووردنی گشتیی ژمارە 27ـی ساڵی 2016 (سوننە داوای پەسەندکردنی دەکات).
ئەوەی پێویستە بیزانیت
هەر سێ پرۆژە یاساکە خوێندنەوەی یەکەم ودووەمی بۆ کراوە و تەنیا ماوە پەسەند بکرێت.
362 بینین
