پەلە نیوز
فیلمی کفن فیلمێکی ترسناکی سینەمایی کوردییە و ماوەی زیاتر لە 10 ڕۆژە لە سینەماکانی کوردستان و عێراق نمایش دەکرێت، ڕەخنەگرێکی سینەمایی دەڵێت: "تەکنیکی دەنگ، میوزیک و وێنەگرتنی فیلمی کفن لە ئاستی سینەمای جیهانییە".
لێدوانی فەرمی
ژیر زیاد، ڕەخنەگری سینەمایی بە پەلە نیوزی ڕاگەیاند: "فیلمی کفن هەرچەندە لەڕووی ناوەرۆک و گێڕانەوەی چیرۆکەوە تا ڕادەیەک کەموکوڕی هەیە و دەکرا باشتربێت، بەڵام تەکنیکی دەنگ، میوزیک و وێنەگرتن لە ئاستی سینەمای جیهانییە و داوا لە خەڵک دەکەم بچن فیلمەکە ببینن".
زانیاریی زیاتر
لەبارەی ئەگەری بەرهەمهێنانی بەشی دووەمی فیلمەکە، ئەم ڕەخنەگرە سینەماییە گوتی: "چیرۆکی فیلمەکە بەجۆرێک بەجێهێڵراوە دەکرێت بەشێکی دیکەی بەدواوەبێت و هیوادارم بەشی دووەمی فیلمی کفن لەپێناو گێڕانەوە و تەواوکردنی چیرۆکی فیلمەکە بەرهەمبهێنرێت".
وێنە گەورەکە
فیلمی کفن لە دەرهێنانی سرووشت عەبەڕەشە و باهۆز نەسرەدین پرۆدیوسەری فیلمەکەیە، هەریەک لە چریکە عەبەڕەش و نزار سەلامی و کارۆ سەوز ئەکتەری سەرەکی فیلمەکەن، فیلمی کفن لەلایەن میترۆنۆم پرۆداکشنەوە بەرهەم هاتووە.
