ئاماری دانیشتووانی عێراق و هەرێمی کوردستان بەپێی دوایین سەرژمێریی
وەزارەتی پلاندنانی عێراق ئاماری دوایین بەپێی سەرژمێریی کە لە 20ی تشرینی یەکەم 2024دا کراوە بڵاو کردەوە. بەپێی ئەم داتایانە، ژمارەی دانیشتووانی عێراق و هەرێمی کوردستان گەیشتووە 46,118,793 کەس، کە 70.17٪ی ئەوان لە شارەکان و 29.83٪یش لە گوندەکان نیشتەجێن.
دانیشتووانی هەرێمی کوردستان بەپێی پارێزگا
بەپێی ئامارەکان، ژمارەی دانیشتووانی هەرێمی کوردستان گەیشتووە 6,519,129 کەس، کە 50.39٪ی ئەوان لە رەگەزی نێر و 49.61٪یش لە رەگەزی مێن.
هەولێر زۆرترین ژمارەی دانیشتوو لە هەرێمی کوردستانەوە، بە 2,517,534 کەس کە دەکاتە 38.62٪ی کۆی گشتی. پارێزگای سلێمانی و هەڵەبجە 2,401,724 کەس دانیشتوویان هەیە (36.84٪)، و پارێزگای دهۆک 1,599,871 کەس (24.54٪).
بەرەوپێشچوونی هەولێر لە ژمارەی دانیشتووان
بەپێی دوایین ئامارەکان ، ژمارەی دانیشتووانی پارێزگای هەولێر لە ژمارەی دانیشتوانی پارێزگای سلێمانی و هەڵەبجە زیاتر بووە. ژمارەی دانیشتووانی هەولێر 2,517,534 کەسە، کە 115,810 کەس زیاترە لە ژمارەی دانیشتووانی هەردوو پارێزگای سلێمانی و هەڵەبجە.
نیشتەجێبوون لە شار و گوند
لە هەرێمی کوردستان، 85٪ی دانیشتووان لە شارەکان نیشتەجێن (5,513,276 کەس) و 15٪یش لە گوندەکان (1,005,853 کەس). لە پارێزگای دهۆک، 80٪ی دانیشتووان لە شارەکان و 20٪یش لە گوندەکان نیشتەجێن. لە سلێمانی و هەڵەبجە، 89٪ی لە شارەکان و 11٪یش لە گوندەکان. لە هەولێر، 84٪ی لە شارەکان و 16٪یش لە گوندەکان.
لە پارێزگاکانی عێراق، 68٪ی دانیشتووان لە شارەکان (26,850,373 کەس) و 32٪یش لە گوندەکان (12,749,291 کەس) نیشتەجێن.
رێژەی نێر و مێ بەپێی پارێزگا
بە گشتی، 50.22٪ی دانیشتووانی عێراق لە رەگەزی نێرن و 49.78٪یش لە رەگەزی مێن. لە کەرکووک، نەینەوا، سەلاحەددین و دیالە، رێژەی مێن لە نێر زیاترە:
- کەرکووک: 50.27٪ مێ، 49.73٪ نێر
- نەینەوا: 50.09٪ مێ، 49.91٪ نێر
- سەلاحەددین: 50.32٪ مێ، 49.68٪ نێر
- دیالە: 50.004٪ مێ، 49.996٪ نێر
ژمارەی دانیشتووانی پارێزگاکان بەپێی ڕێژەی دانیشتوان
بەغدا زۆرترین ژمارەی دانیشتووی هەیە بە 9,780,429 کەس، دوای ئەو پارێزگا نەینەوا بە 4,261,980 کەس و بەسرە بە 3,664,168 کەسە. پارێزگای موسەننا کەمترین ژمارەی دانیشتووی هەیە بە 1,043,087 کەس.
لە پارێزگاکانی هەرێمی کوردستان، هەولێر چوارەمین پارێزگا لە عێراقەوە بە پێی ژمارەی دانیشتووان، سلێمانی حەوتەمین، کەرکووک هەشتەمین و دهۆک پازدەیەمین پارێزگا.
ژمارەی دانیشتووانی عێراق بەپێی پارێزگا
- بەغدا: 9,780,429 کەس
- نەینەوا: 4,261,980 کەس
- بەسرە: 3,664,168 کەس
- هەولێر: 2,517,534 کەس
- زیقار: 2,499,468 کەس
- بابل: 2,482,324 کەس
- سلێمانی: 2,401,724 کەس
- کەرکووک: 2,034,627 کەس
- ئەنبار: 2,004,418 کەس
- نەجەف: 1,950,833 کەس
- دیالە: 1,934,504 کەس
- سەڵاحەدین: 1,774,542 کەس
- کەربەلا: 1,754,065 کەس
- واسط: 1,643,406 کەس
- دهۆک: 1,599,871 کەس
- دیوانیە: 1,477,310 کەس
- میسان: 1,294,503 کەس
- موسەننا: 1,043,087 کەس
کۆی گشتی دانیشتووانی عێراق و هەرێمی کوردستان: 46,118,793 کەس.
